بە ئەم زستانە چێژ لە تامە تیژەیەکی بسکیتی جەنجەفیل وەربگرە! منداڵ و خێزانەکەت بەدڵیان دەبێت، بەتایبەتی کاتێک کەشوهەوا سارد و بەفر و باراناویە تامەکە گەرمیەک بە ناختان دەبەخشێت.

جەنجەفیل بەوە ناسراوە کاریگەریی دژە هەوکردنی هەیە، دژە ئۆکسیدانتێکی بەهێزە و کاریگەریی لەسه ر باشترکردنی هەرس و تەندروستیی ڕیخۆڵەکان هەیە.

زیاتر بخوێنەرەوە تا بزانیت ڕەچەتەی بسکیتی تەندروستی جەنجەفیل چۆنە:

بسکیتی جەنجەفیل

  • 3 کوپ ئاردی دانەوێڵە یان  ئەو ئاردەی بۆ هەموو مەبەستێک بەکاردەهێنرێت
  • 2 کەوچکەچا جەنجەفیلی هاڕاو
  • 2 کەوچکەچا دارچینیی هاڕاو
  • 3/4 کەوچکەچا خوێ
  • 1/2 کەوچکەچا مێخەکی هاڕاو
  • 1/2 کەوچکەچا بیبەری چاک هاڕاو
  • 1/2 کەوچکەچا سۆدە
  • 1/4 کەوچکەچا پیکی باودەر
  • 1/2 ڕۆنی گوێزهیندیی تواوە
  • 1/2 کوپ دۆشاوی قامیشی شەکر
  • 1/2 کوپ شەکر
  • 1 هێلکەی گەورە
  • شەکری هاڕاو، بۆ ئەوەی بیکەیت بە سەریدا (ئارەزوومەندانەیە)

پێوەکردنی لیمۆ (ئارەزوومەندانەیە):

  • 1/2 کوپ شەکری وردکراو
  • 1/4 کەوچکەچا وردە توێکڵی لیمۆ
  • 1/4 کەوچکەچا شەربەتی لیمۆ

ڕێنماییەکان:

  1. لە دەفرێکدا ئارد، جەنجەفیل، دارچینی، خوێ، مێخەک، بیبەر، سۆدە و پیکی باودەرەکە تێکەڵ بکە.
  2. لە دەفرێکی دیکەدا، ڕۆنی گوێزهیندیەکە و دۆشاوەکە تێکەڵ بکە تا بە باشی تێکەڵ دەبن. دواتر شەکر و هێلکەکەی بۆ زیاد بکە و بەردەوام بە لە تێکەڵکردنیان تا تێکەڵەکە بە باشی  دەبێت بە یەک.
  3. دوو تێکەڵەکە تێکەڵ بکە و بە باشی بیانکە بە یەک دانە. کە تێکەڵەکە وەک هەویری لێهات، بیانکە بە دوو بەشەوە و لە شێوەی بازنەی خڕ بیانبڕە و بیانپێچە لە زەرفی پلاستیکی. باشان دوو بازنە خڕەکە بخەرە ناو بەفرگرە و وازی لێ بهێنە تا سارد دەبێت. دەتوانیت بۆ شەوێک لە بەفرگرەدا بەجێیبهێڵیت.
  4. فڕنەکە پێش وەخت تا 175 پلەی سیلیزی گەرم بکە. دوو پەڕەی بژاندن بهێنە و دایان بنێ. کەمێک ئارد بەسەر ڕووی پەڕەکاندا بپرژێنە و بە تیرۆک یەکێک لە هەویرە خڕەکان پان بکەرەوە تا ئەسرووریەکەیان دەبێت بە 1/4 ئینچ.
  5. قاڵبی بسکیت بەکاربهێنە بۆ ئەوەی هەویرەکە بەو شێوە ببڕیت کە دەتەوێت، باشان بسکیتەکان بخەرە سەر پەڕەی برژاندنەکە. دڵنیابەرەوە بۆشایی لە نێوان بسکیتەکاندا هەیە.
  6. دواتر بسکیتە بڕاوەکان بخەرە ناو فڕنەکە، یەکێکیان لە سکەی سەرەوە، ئەوی دیکە لە سکەی خوارەوە. بۆ 8 تا 11 خولەک بیبرژێنە.
  7. دوای ئەوەی بسکیتەکان سارد بوونەوە، کرێم یان شەکری هاڕاوی بکە بەسەردا. بۆ دروستکردنی کرێم، شەکری هاڕاو، وردە توێکڵی لیمۆ و شەربەتی لیمۆ بە باشی تێکەڵ بکە، دواتر شەکری هاڕاوی بەسەردا بکە. بۆ ماوەی یەک کاتژمێر چاوەڕوان بکە تا کرێمەکە توند دەبێتەوە، ئێستا بسکیتەکان ئامادەن بۆ خواردن.
ڕاستیەکان دەربارەی بەها خۆراکیەکان
کالۆریەکان
108
تێکڕای کاربۆهیدرەیت
17.4گرام
تێکڕای شەکر
8.5گرام
پرۆتین
1.3گرام
تێکڕای چەوری
3.5گرام
سۆددیۆم
80.8ملگم
قەبارەی پێشکەشکردن   1 بسکیت

32  بسکیت

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Fill out this field
Fill out this field
تکایە پۆستێکی ئەلکترۆنی درووست بنووسە.

پێڕست