بەڵغەم و چڵم بە شێوەیەکی سروشتی لە جەستەدا بۆ هەمان مەبەست بەرهەم دێن، ئەوان وەک فلتەرێکی پارێزەر بۆ سییەکان کار دەکەن و ماددە هەژێنەرەکان، وەک تۆز، بەکتریا، دوکەڵ و جاڕسکەرەکان دەپاڵێون. ئەم دوو شلەیە هەموو کاتێک دروست دەبن، بەڵام کێشەکە ئەو کاتەیە کە زیاد لە پێویست بەرهەم دێن لە جەستەدا.
بەڵغەم و چڵم
چڵم شلەیەکی ئاویە بە شێوەیەکی سروشتی لە لایەن لینجەپەردە لە جەستەدا دروست دەبێت بۆ ئەوەی ڕێڕەوەکانی هەوا تەڕ و شێدار بن. چڵم ژمارەیەک دژە زیندە و ئەنزیمی تێدایە کە یارمەتیی بەگژداچوونەوەی بەکتریا دەدەن لەو هەوایەی هەڵیدەمژین و ڕێگریان لێ دەکەن داخڵی جەستە ببن. ڕەنگە کاتێک تووشی پەتا بوویت چلم ببینیت کاتێک لووتت دەمشیت.
چەند هەژێنەرێک هەن کە دەبنە هۆی گۆڕینی چڵم، وەک:
- تووشبوون بە پەتا یان هەڵامەت
- هەستیارەیەکان
- جگەرەکێشان و پیسبوونی هەوا
- هۆکارە ژینگەییەکان وەک گەرمیەکان و هەوا فێننکەرەوەکان
- وشکبوونەوە
- جیوب و هەوکردنی سیستمی هەناسەدان
بەڵغەم لە چڵم خەستترە و لە بەشی خوارتری ڕێڕەوەکانی هەوا لە قوڕگ و سیەکاندا دروست دەبێت. بەڵغەم کاردانەوەیەکی سروشتیی جەستەیە بۆ هەوکردن.
بەڵغەم و چڵم هەمان مەبەستی پارێزگاریکردنیان هەیە لە جەستەدا، بەڵام بەڵغەم لە چڵم خەستترە. هەردووکیان ماددەی ئاوین و لە پرۆتین و خوێ نائۆرگانیەکان دروست دەبن؛ چڵم لە لووت دەردەچێت، لە کاتێکدا بەڵغەم لە سیەکاندا گیر دەخوات و دەرکەوتەی نەخۆشییەکانی وەک نۆمینیا و هەوکردنیی بۆریی هەناسەدانن.
ڕەنگی بەڵغەمیش نیشاندەری ژمارەیەک دەرکەوتەیە. بەڵغەمی زەرد یان سەوز نیشانی هەوکردنە، لە کاتێکدا بەڵغەمی سوور نیشانەی ئەوەیە کە پێویستت بە هاوکاریی پزیشکیی دەستبەجێ هەیە.
ڕەنگە پرسیاری ئەوە بکەیت چۆن بتوانیت خۆت لەم شلە بێزارکەرەی جەستە ڕزگار بکەیت و چۆن چارەسەری بکەیت. گرنگە بزانیت هۆکاری پشتی زیاد بەرهەمهێنانی بەڵغەم و چڵم چین بۆ ئئەوەی چارەسەری گونجاویان بۆ بدۆزیتەوە، بەڵام ئەمانە هەندێک ئامۆژگاریی بچووکن بۆ ئەوەی دۆخەکە سووک بکات و یارمەتیت بدات باشتر هەناسە بدەیت:
- تەڕبوونەوە
- بەهۆی ئەوەی بڕێکی زۆری شلە لە ڕێگەی بەڵغەم و چڵمەوە لەدەست دەچن، گرنگە ئاوی زیاتر بخۆیتەوە و واز لە شلە وشککەرەوەکانی وەک قاوە بهێنیت.
- شێدارکەرەکان
- بەکارهێنانی شێدارکەرەکان یارمەتیی شێدارکردنی ڕێڕەوەکانی هەوا و کەمکردنەوەی پێویستیی جەستە بۆ بەرهەمهێنانی چڵم و بەڵغەم دژی وشکبوونەوە دەدات.
- سپرای لووتی سوێر
- بەکارهێنانی سپرای لووتی سوێر، وەک نیسیتا (Nisita®) یارمەتیی تەڕکردنی شانەکانی لووت و جیوب دەدات، هۆکارێکە بۆ ئەوەی باشتر هەناسە بدەیت.
- شروپی کۆکەی پرۆسپان
- لە ڕێگەی شروپی گیایی کۆکەی پرۆسپان کە خاوەنی چوار کاریگەریی نایابە خۆت لە کۆکەی بێزارکەر ڕزگار بکە. پرۆسپان چڵمی خەست شل دەکاتەوە، ڕێڕەوەکانی هەوا فراوان دەکات، هەوکردن لە سیستمی هەناسەدان سووک دەکات و وادەکات نەخۆشەکە باشتر و قوڵتر هەناسە بدات.
لەیادت بێت هەمیشە خۆت لە هەژێنەرە ناتەندروستەکان بەدوور بگریت بۆ ئەوەی تووشی لووت گیران و/یان چڵمی لووت نەبیت. خۆت لە دوکەڵ بەدووربگرە و سیی و لووتت ئیسراحەت دەکەن!