بەڵغەم بەهۆی هەوکردنەوە لە ناو سیستمی هەناسەداندا کەڵەکە دەبێت، هەوکردن وەک سەرمابوونی باو و هەڵامەت. کاتێک بەڵغەمی خەست دەچێتە بەشی دواوەی قوڕگ، کەسی تووشبوو دوای خواردنەوەی شیر هەست بە نائاسوودەیی دەکات و هەست دەکات بەڵغەمەکە زیاتر بێزارکەر دەبێت. بەلام ئایا بەڕاستی خواردنەوەی شیر دروستبوونی بەڵغەم زیاد دەکات؟
بەڵغەم بەهۆی خانەی مایکرۆسکۆپی بە ناوی “سیلیا” دەگوازرێتەوە بۆ بەشی دواوەی قوڕگ و لەوێوە قووت دەدرێت. ئەگەر کەسێک شیر یان بەرهەمەکانی شیرەمەنی بخواتەوە، قوڕگیان زبر دەبێت و قوتتدانی بەڵغەمەکە زەحمەتتر دەبێت.
توێژینەوەکان دەریان خستووە کە خواردنەوەی شیر پەیوەندیی بە دەرهاویشتەکانی لووت، کۆکە، دەرکەوتەکانی لووت یان کێشەکانیەوە نیە. هەندێک پزیشک دەلێن شیر لیک خەست دەکاتەوە، ئەمەش رەنگە قوڕگ زبر بکات و وادەکات هەست بە بەڵغەمی زیاتر بکەیت، بەڵام نابێتە هۆی ئەوەی جەستە بەڵغەمی زیاتر دەربدات.
گرنگە ئەوە بزانیت کە ئەم هەستە لای هەندێک هەستی پێدەکرێت و لای هەندێک هەستی پێناکرێت. وەک تێبینیەکی گرنگ، بەرهەمە شیرەمەنیانە بەستووەکان دەتوانن قوڕگ هێواش بکەنەوە چونکە داڕشتەکەیان لە شیر جیاوازترە.
