ئەمڕۆ جیهان تووشی بەرۆکگیریی (تەحەدا) قەیرانی وزە دەبێتەوە. زۆرجار هەست ناکەین کە ئێمە بەرپرسین بەرامبەر بەفیڕۆدانی وزە لە ناوماڵ و کۆمەڵگاکەماندا. زۆر گرنگە بۆ هەر یەکەمان کە چاوکراوە بین بۆ ئەو رێگایانەی بەهۆیانەوە دەتوانین بەشداری لە بنیادنانی سبەینێیەکی باشتر بکەین بۆ خۆمان و نەوەکانی داهاتوومان. بە گۆڕینی هەندێک خووی بەفێڕۆدانی وزە و پیادەکردنی شێوازێکی ژیان کە هاوڕێی ژینگە بێت، هەر یەکەمان دەتوانین یارمەتیی پاراستنی زەوی بدەین و شوێنێکی تەندروستتر و سەلامەتتر بۆ هەمووان دابین بکەین.
لە رێگەی چەند تاکتیکێکی سادە و چەند خوویەکی ئەرێنیەوە دەتوانین بەشداری لە پاراستنی زەوی بکەین:
لە رۆژدا رووناکیەکان بکوژێنەرەوە، یان کاتێک ژوورێک بەجێدەهێڵیت گڵۆپەکان بکوژێننەوە، یاخود ئەو ئامێرانەی ناوماڵ لە کارەبا بکەرەوە کە بەکاریان ناهێنیت.
گڵۆپی رووناکیی کەم وزە بەکاربهێنە. هەرچەندە ئەم گڵۆپانە لە سەرەتادا نرخیان زیاتری تێدەچێت، بەڵام ١/٤ کەمتر لە گڵۆپی ئاسایی وزە بەکار دەبەن و ٨-١٢ ئەوەندە زیاتر بەرگەی کارپێکردن دەگرن.
ئامێری ناوماڵی کەم وزە بکڕە و لە دۆخی پاراستنی وزە کاریان پێ بکە، ئەگەر هاتوو ئەم بژاردەیە لەسەر ئامێرەکە بەردەست بوو.
- شەحنکەری پاتری لە کارەبا بکەرەوە کاتێک بە پاتریەکان تەواوەتی شەحن کراون یان کاتێک شەحنەکە لەکاردا نیە. هەندێک لە شەحنکەرەکان بە بەردەوامی وزە رادەکێشن، تەنانەت کاتێک ئامێرەکە وابەستە نەکراوە بە شەحنکەرەکەوە.
شەحنکەری پاتری لە کارەبا بکەرەوە کاتێک بە پاتریەکان تەواوەتی شەحن کراون یان کاتێک شەحنەکە لەکاردا نیە. هەندێک لە شەحنکەرەکان بە بەردەوامی وزە رادەکێشن، تەنانەت کاتێک ئامێرەکە وابەستە نەکراوە بە شەحنکەرەکەوە.
وریابە ژوور لە رادەبەدەر سارد یان گەرم مەکە.
بەکارهێنانی پلاستیک و کاغەز سنووردار بکە، هەوڵبدە زیاتر شووشە بەکاربهێنیت.
هەر کاتێک گونجاو بوو ئاو بپارێزە.
لە کاتی ددان شوشتندا بەلۆعەکە بە کراوەیی جێمەهێڵە.
خۆشۆردنی کورتر بڕێکی زۆر ئاو دەپارێزێت.
درەخت بنێژە بۆ ئەوەی بەگژی گۆڕانی کەشوهەوادا بچیتەوە.
- کەمتر شمەکی نەگونجاو بۆ ریسایکڵین بکڕە و یارمەتیی کەمکردنەوەی پیسبوون و پاشەڕۆ بدە.
دوای شۆردنی جلەکانت بیدە بەر هەوا بۆ ئەوەی بە جلشۆر وشکیان نەکەیتەوە.
هەوڵبدە سوود لە سەرچاوەکانی دیکەی وەرگرتنی وزە وەربگرە لە ماڵەکەتدا، وەک وزەی خۆر و وزەی با.
ئەگەر بەنیازیت شتێکی بەستوو لێبنێیت، پێشوەخت دەری بهێنە بۆ ئەوەی بە شێوەیەکی سروشتی بیکاتەوە.
کاتێک شمەک دەخەیتە ناو بەفرگرەکە و هاتوچۆ دەکەیت، دەرگاکە بە کراوەیی جێمەهێڵە، تەنها یەک جار کردنەوەی دەگاکەی ١/٤ـی سەرماکەی دەبات.
قۆریەکەت زیاد لە پێویست پڕ مەکە، تەنها ئەو بڕەی ئاو بکوڵێنە کە پێویستت پێیەتی.
هەمیشە سەری قۆری و تاوە بەکاربهێنە بۆ ئەوەی خواردنەکە زووتر گەرم ببێت.
جلشۆرەکەت لە بۆریی سارد یان فێنک ببەستە، نەک بۆریی گەرم.
زیاتر بەپێ بگەڕێ وەک لە ئۆتۆمبێل، بەتایبەتی کاتێک بۆ شوێنێکی نزیک دەچیت.
لە کاتی شۆفێریدا هێواش بە! کە خێرا لێدەخوڕیت سوودەمەنیی زیاتر بەکار دەبەیت.
هۆشیاری سەبارەت بە کێشە ژینگەییەکان و مەترسیەکان و شێوازەکانی پێکەوە کارکردن بڵاو بکەرەوە بۆ رێگریکردن لەو زیانانە.
تەنها چەند هەنگاوێکی دەوێت بۆ ئەوەی زیاتر هۆشیار بیت و ببیت بە هاوڕێی ژینگە. با ئەمڕۆ دەستپێبکەین و هەوڵەکانمان یەکبخەین بۆ پاراستنی هەسارەی زەوی.
سەرچاوە:
https://www.earthhour.org/